يا امرؤالقيس انا مابي دروب الحرام
ماني بشاعرعشان اكتب لزين الحريم
تعبان نفسيآ وضايق ولاني تمام
والنفس تبكي مثل دمع الصغير اليتيم
القلب حر ٍ طلع مايلتفت للحمام
وأذا ماصاد الحباري مايسمى العديم
خذاني الشوق للي ماتزيد الكلام
الشوق يامكثره لكن غرامي عقيم
سكّرت موضوعها والحظ ماعاد قام
ومن يسأل القلب عنها قلت حب<ن> قديم
يابايع الورد لا تضحك على اهل الغرام
لو يشترون الفرح حياتهم في جحيم
رغبات نفسي أصارعها وليل الظلام
النور مابدده والليل ظلمه عتيم
لا طال ليل السهر وش حاجتي بالمنام
والحزن يسهر معي والصمت مثل النديم
أنا اسير الطفوله والوله والسلام
والعشب الاخضر ونفحات الصبا والنسيم
أحاول ابعد من دروب الخطا والملام
واقول ياربنا انت البصير العليم
أحيان نحتاج بالدنيا لمسك الغمام
نعز الانفس من هروج الردي والغشيم
وأحيان ناطى الثرى وطموحنا للأمام
العود الازرق مايرخص لو نشوفه هشيم
أن كان تخشى السهل أترك بلوغ المرام
الموج سطح البحر والقاع دره نظيم
حزن القصور الكبيره مثل حزن الخيام
احدن حياته شقى واحدن حياته نعيم
كل شي زايل ولله البقى والدوام
ومافيه كامل سوى الله الحكيم العظيم
يالله أنا طالبك عفوك وحسن الختام
وأعوذ بك يا ألهي من أبليس الرجيم
منقول امانة الي يدخل ما يحرمنا من رده
