قصه قصيره تضحك وتحزن في نفس الوقت

كُتب : [ 10-12-2009 - 09:46 PM ]

بسم الله الرحمن الرحيم

أتصل بي اليوم ولدي من المدرسه(صف ثالث ابتدائي)..المهم..كلمني وهو يبكي ومو قادر افهم ولا كلمه واليكم تفاصيل المكالمه:

رن الجوال وانا منهمك في عملي

ولدي: با..با..ابو..ي( بصوت متقطع وهو يبكي)

أنا: خير مين أنت !

ولدي:أن..ا..و ل د ك..أكلم ك م ن الم درسه
أنا: أشفيك ..ليش تبكي ..ومن جواله هذا

ولدي:أن..ا في ح..صة الري..اضه وه..ذا ج..وال استاذ الب..دنيه
أنا: عطني مدرسه البدنيه

مدرس البدنيه:السلام عليكم يأبو فلان
أنا: بلا سلام بلا هم وش سويتم للولد وشفيه يبكي أنت ماتفهم..أنت ماتعرف شي..أنا بحوسك..أنا بسوي..

قاطعني استاذ البدنيه: يابو اسمعني ترى..

أنا: مااعطيته فرصه..أنت ماتفهم عطني الوكيل

الوكيل: هلا وغلا يابو فلان
أنا:لايكثر بس وشفي الولد يبكي..مدرسه ومدرسين ووكيل مايفهمون دورهم عطني المدير

المدير: يبلع ريقه يأبو خلني أفهمك
أنا: وش تفهمني الولد يبكي من ساعه

المدير: وحنا مثلك مو عارفين السبب
أنا: الشرهه على اللي عطاكم فرصه تتكلمون بما لاتفقهون.. عطني الولد

ولدي: بابا..انا في مصيبه..الحقني
أنا: ولا يهمك بس وش المشكله ترى عروقي طلعت والاعصاب تناقز

الولد:لا لو قلت بنفضح تعال خذني من المدرسه ولا بيودوني للشرطه
أنا: طيب 10 دقايق وأنا عندك

في السياره:

أنا: خير وشفيك وش سويت من مصيبه
الولد: ضيعت مصروفي وانا ابدل ملابسي في حصة الرياضه

أنا: ( بغيت اعطيه كف)..وانت الحين ساحبني على وجهي وسويت كل هذا الفلم عشان 4 ريال مصروفك

الولد: يا بابا..أنا ماهمني الاربعه ريال..
أنا: اجل ايش انت ووجهك

الولد: فيهم صورة الملك ..ورمز وطني واسم وزير الماليه
أنا: أنت وشتقول

الولد: يابابا شفت اللي سووه في كوزمين مدرب الهلال..
أنا : ايه وش دخل هذا بهذا

الولد : يابابا..لاتنسى اننا كنا بحصه الرياضه واخاف تكون الفلوس طاحت في ملعب المدرسه والعيال مايشوفونها ويتهموني بعدم الولاء
أنا: ( أعجبتني نباهه الولد)..بارك الله فيك.. ولاتعلم أحد ..وقمت انصحه بعدم حمل الفلوس والاكتفاء بالفيزا والماستر كارد

يسلموو ياا سفير

تقبل مروري

تحياتي الك...

مشكوووور باشا ع المروور

» المحافظة على الوقت
» غيره المرأه تذبح..قصه قصيره
» فســاتين قصيره برقة الورد
» قصه مخيفه ومضحكه في نفس الوقت......
» فساتين سهره قصيره لعام 2009